ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

रुग्णालयतातून चोरीला गेलेलं एक दिवसांचं अर्भक सापडलं

February 8, 202215:58 PM 41 0 0

जालना : महिला आणि बाल रुग्णालयातून चोरीला गेलेल्या नवजात बाळाचा (New Born Baby Kidnap) अखेर शोध लागला आहे. बाळाची काकू त्याला कोवळ्या उन्हात घेऊन बसली असताना हा प्रकार घडला होता. मूल होत नसल्याने एका महिलेने बाळ चोरल्याचा प्रकार समोर आला आहे. सोमवारी सकाळी जालन्यातील (Jalna) महिला आणि बाल रुग्णालय परिसरातून नवजात अर्भकाची चोरी झाली होती. मात्र अवघ्या काही तासांतच पोलिसांच्या स्थानिक गुन्हे शाखा आणि कदीम पोलिसांच्या संयुक्त पथकाला बाळ परत मिळवण्यात यश आले आहे. परभणी जिल्ह्यातील सेलू येथून आफरिन शेख नावाच्या महिलेला बाळासह ताब्यात घेण्यात आले आहे. कपडे वाळत टाकण्यासाठी काकूने बाळाला एका महिलेकडे सोपवले, त्यावेळी पुढच्या काही मिनिटांतच संबंधित महिला बाळासह पसार झाली होती.
बाळ आईच्या कुशीत
महिला आणि बाल रुग्णालयातून चोरीला गेलेल्या नवजात बाळाचा अवघ्या काही तासांतच शोध लागल्याने सर्वांचा जीव भांड्यात पडला आहे. पोलिसांचे पथक आज (मंगळवारी) बाळ चोरणारी महिलेला आणि नवजात बाळाला घेऊन जालना येथे दाखल झाले. बाळाची वैद्यकीय तपासणी केल्यानंतर बाळाला आईच्या कुशीत देण्यात आले.
काय आहे प्रकरण?
सोमवारी सकाळी जालन्यातील महिला आणि बाल रुग्णालय परिसरातून एक दिवसाच्या अर्भकाची चोरी झाली होती. रुकसाना शेख या महिलेची जालना शहरातील महिला आणि बाल रुग्णालयात प्रसुती झाली. तिने एका गोंडस बाळाला जन्म दिला.
नेमकं काय घडलं?
सोमवारी सकाळी 9 वाजताच्या सुमारास या बाळाची काकू बाळाला रुग्णालयातील परिसरात कोवळ्या उन्हात घेऊन बसली होती. यावेळी कपडे वाळायला टाकायचे म्हणून बाळाला त्याच्या काकूने एका महिलाकडे सुपूर्द केले. मात्र पुढच्या काही मिनिटात या बाळाला घेऊन त्या महिलेने पळ काढला.
भरदिवसा रुग्णालयातून नवजात बाळ चोरुन नेल्याची धक्कादायक घटना घडल्याने एकच खळबळ उडाली होती. त्यानंतर पोलिसांच्या स्थानिक गुन्हे शाखा आणि कदीम पोलिसांच्या संयुक्त पथकाला बाळ परत मिळवण्यात यश आले आहे.
मूल होत नसल्याने बाळाची चोरी
परभणी जिल्ह्यातील सेलू येथून आफरिन शेख नावाच्या महिलेला बाळासह ताब्यात घेण्यात आले आहे. चोरी करणाऱ्या महिलेला अपत्य होत नसल्याने तिने बाळाची चोरी केल्याचा धक्कादायक प्रकार समोर आला आहे.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *