ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

पुण्यात डेटिंग अ‍ॅपवर भेटलेल्या तरुणाने केला बलात्कार

January 11, 202112:54 PM 73 0 0

एअर होस्टेसवर दारू पाजून बलात्कार केल्याची घटना ताजी असताना पुन्हा अशीच एक घटना पुण्यात घडली आहे. २९ वर्षीय तरुणाने ३० वर्षीय महिलेवर अनेक वेळा बलात्कार केल्याचं समोर आलं आहे. महिलेच्या तक्रारीवरून पोलिसांनी गुन्हा दाखल केला असून, दोघांची ओळख टिंडर डेटिंग अ‍ॅपवर झाली होती. लग्नाचं आमिष दाखवून आरोपींने अनेकवेळा बलात्कार आणि मारहाण केल्याचा आरोप महिलेनं केला आहे.

डेटिंग अ‍ॅपवर ओळख झाल्यानंतर तरुणाने बलात्कार केल्याचं महिलेनं तक्रारीत म्हटलं आहे. वाकड पोलीस ठाण्यात महिलेनं फिर्याद दाखल केली असून, अनेक वेळा बलात्कार करण्यात आल्याचा आरोप केला आहे. दोघांची टिंडर डेटिंग अ‍ॅपवर ओळख झाली. त्यानंतर मागील वर्षी जून ते सप्टेंबर दरम्यान घटना घडल्याचं पोलिसांनी म्हटलं आहे. आरोपी एका खासगी कंपनी कामाला आहे. महिला विधवा असून, गृहिणी आहे, असं पोलिसांनी सांगितलं.

“दोघांचं एकमेकांशी बोलणं होण्यापूर्वी आणि भेटीपूर्वी आरोपीने लग्न करण्याचं वचन दिलं होतं. त्यानंतर आरोपीनं अनेक वेळा बलात्कार केला. जेव्हा महिलेनं आरोपीकडे लग्नाबद्दल विषय काढला, तेव्हा त्याने बूट फेकून मारला आणि महिलेवर हल्ला केला,” असं पीडितेनं तक्रारीत म्हटलं असल्याची माहिती पोलिसांनी दिली. या प्रकरणी गुन्हा दाखल झाला असून, पोलिसांनी आरोपीचा शोध घेणं सुरू केलं आहे. आरोपीविरुद्ध भादंवि कलम ३७६(२)(न), ३७७ आणि ३२३ कलमानुसार गुन्हा दाखल करण्यात आला आहे.

डिसेंबरच्या शेवटच्या आठवड्यातही अशाच घटनेनं पुण्यात खळबळ उडाली होती. वाकड पोलिसांनी एका २६ वर्षीय तरुणाला बलात्कार केल्याच्या आरोपाखाली अटक केली होती. टिंडरवर ओळख झाल्यानंतर आरोपीने एअर होस्टेलवर दारू पाजून बलात्कार केला होता. त्याचबरोबर मारहाणही केली होती.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *