ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

#अलक

June 16, 202113:13 PM 57 0 1

काल रात्रीच सीमानं नवर्याला सांगितलं की ” आज आईंनी मला परत नोकरी सोड किंवा तुझ्या मुलीची व्यवस्था बघ, यापुढे तिला सांभाळणार्या बाईवर लक्ष ठेवायला मला जमणार नाही,” असं सांगितलंय, मी नोकरी सोडली तर ब्लाॅकच्या हप्त्याचं काय हो? तो म्हणाला की नको काळजी करुस मी बघतो. तो आईच्या खोलीत गेला तर ती तिच्या लेकीशी बोलत होती

” तू काळजी करु नकोस दिदी, मी सीमाला सांगितलंय की तिच्या लेकीची व्यवस्था बघायला, मी आता तुझ्या मुलाला बघेन हो, रोज सोडून जात जा इथे!” तो झटकन आईला म्हणाला, ” आई, इथे फक्त बाईवर लक्ष ठेवायचं, आला गेला लक्ष द्यायचं तर जमत नाही असं सांगितलं आहेस तू,आणि दिदीच्या लेकाला सांभाळणार आहेस, हरकत नाही गं, तिच्याकडे तू जा, सीमाच्या आईला मी इकडे बोलावतो, ” आई म्हणाली ” दिदीची जागा लहान आहे रे, मी कशी राहू” तेव्हा तो म्हणाला की ” आई दोन्ही तुझीच नातवंडं आहेत, सर्वस्वी तुझ्यावर जबाबदारी टाकलेली नाही, कर्ज घेतांना हे सगळंच आपण ठरवलेलं आहे, मग लेकीकडेच ओढा का? असं चालेल का? आपल्या बाई दोघांना बघतील, तू लक्ष ठेव, हे मान्य करावेच लागेल तुला,” आई वरमली आणि हो म्हणाली. दाराआडून हे बघणारी सीमा सुखावली. आपल्या नवर्याकडे स्निग्ध प्रेमळ नजरेनं पहात तिनं मनातल्या मनात देवाला हात जोडले.

सुवर्णा भावे जोशी
(अलक हा लघुकथा लेखनाचा प्रकार आहे)

Categories: कथा, साहित्य
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *