ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

भाजपाचे उपमहापौर राजेश काळेंना अटक

January 5, 202114:16 PM 61 0 0

सोलापूरमधील भाजपाचे उपमहापौर राजेश काळे यांना अटक करण्यात आली आहे. बेकायदा कामांसाठी पालिका आयुक्त पी शिवशंकर यांना शिवीगाळ आणि उपायुक्त धनराज पांडे यांना पाच लाखांची खंडणी मागितल्याचा त्यांच्यावर आरोप होता. तसेच अन्य एका अधिकाऱ्याला बेकायदा काम करण्यासाठी धमकावल्याचाही आरोप होता. अखेर एका आठवड्यानंतर राजेश काळे यांना पोलिसांनी अटक केली.

गेल्या २९ डिसेंबर रोजी रात्री यासंदर्भात पालिका उपायुक्त धनराज पांडे यांनी सदर बझार पोलीस ठाण्यात राजेश काळे यांच्याविरोधात फिर्याद नोंदवली होती. त्यानुसार गुन्हा दाखल झाल्यापासून पोलीस त्यांच्या मागावर होते. अखेर मंगळवारी सकाळी राजेश काळे सोलापूरहून पुण्याला जात असताना वाटेत टेंभुर्णीजवळ शहर गुन्हे शाखेच्या पोलिसांनी त्यांना ताब्यात घेतले. त्यांना सोलापुरात आणल्यानंतर अटकेची कारवाई पूर्ण झाली.

उपमहापौर काळे हे आपल्या संवैधानिकपदाचा गैरवापर करून बेकायदा कामे करण्यासाठी पालिका प्रशासनावर दबावतंत्राचा वापर करीत आहेत. तसेच ॲट्रॉसिटी कायद्याखाली गुन्हा दाखल करून बदली करण्याचीही धमकी देत असल्याचे उपायुक्त पांडे फिर्यादीत म्हटले होते. भाजपाचे मजी सहकारमंत्री सुभाष देशमुख यांचे कट्टर अनुयायी समजले जाणारे उपमहापौर काळे यांनी गेल्या आठवड्यात जुळे सोलापुरात एका सामूहिक विवाह सोहळ्यासाठी महापालिकेचे साहित्य वापरण्यास पालिका परिमंडळ अधिकाऱ्यांना फर्मावले. परंतु हे काम बेकायदा असून करता येत नाही म्हणून समजावून सांगितले असता संबंधित अधिकाऱ्यांना शिवीगाळ करून ॲट्रॉसिटी कायद्याखाली गुन्हा दाखल करण्याची धमकी दिली. याच संदर्भात थेट पालिका आयुक्त शिवशंकर यांनाही काळे यांनी अश्लील शिवीगाळ केली. एवढेच नव्हे तर उपायुक्त धनराज पांडे यांना त्यांच्या अखत्यारीतील आरोग्य विभागाशी संबंधित बेकायदा कामे करण्यासाठी दबावतंत्राचा वापर केला. पांडे यांना त्यांच्या बदलीसाठी पाच लाखांची खंडणीही मागितल्याचे फिर्यादीत नमूद करण्यात आले आहे.

काळे यांच्या विरूद्ध हा पहिलाच गुन्हा नोंद नाही तर यापूर्वीही काही गंभीर स्वरूपाचे फौजदारी गुन्हे पोलिसांत दाखल आहेत. यात पुण्यात पिंपरी-चिंचवड येथील एका गुन्ह्याचाही समावेश आहे.दरम्यान, या प्रकरणी महापालिकेतील सत्ताधारी भाजपाची प्रतिमा आणखी मलिन झाल्यामुळे शेवटी पक्षाने त्यांना शिस्तभंग कारवाई हाती घेतली आहे. पक्षातून काळे यांना बडतर्फ करण्याबाबत अंतिम निर्णय प्रदेशाध्यक्ष चंद्रकांत पाटील हे घेणार असल्याचे शहराध्यक्ष विक्रम देशमुख यांनी यापूर्वीच स्पष्ट केले आहे.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *