ताज्या बातम्या
   पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या साप्ताहिकासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

चारित्र्यावरुन संशय! पतीने पत्नीचे तीन महिने लोखंडी साखळीने बांधून ठेवलं

July 1, 202113:10 PM 17 0 0

आपल्या पत्नीचे विवाह्यबाह्य संबंध असल्याच्या संशयावरुन पतीने तिला लोखंडी साखळीने बांधून ठेवलं. तेही थोडंथोडकं नव्हे तर तब्बल तीन महिने! राजस्थानमध्ये ही घटना घडली आहे. ह्या साखळ्यांचं वजन होतं तब्बल ३० किलो. पोलिसांनी संबंधित घटनेतल्या आरोपीला अटक केली असून या महिलेला त्याच्या ताब्यातून सोडवलं आहे.

 

राजस्थानमधल्या प्रतापगढ जिल्ह्यातल्या एका छोट्या गावात ही घटना घडली आहे. पोलिसांनी सांगितलं की त्यांना अशी माहिती मिळाली की या भागात एका महिलेला साखळ्यांनी बांधून ठेवलं आहे. त्या माहितीनुसार पोलिसांची टीम घटनास्थळी पोहोचली. तेव्हा त्यांनी पाहिलं की या महिलेला साखळ्यांनी बांधलं होतं आणि या साखळ्यांना दोन कुलुपंही लावलेली होती.

या ४० वर्षीय पीडितेने सांगितलं की, साधारण होळीच्या दरम्यान तिच्या पतीने तिच्यावर संशय घेत तिला साखळ्यांनी बांधून ठेवलं. आपल्या पत्नीचे विवाहबाह्य संबंध आहेत असा संशय त्याला होता. तिने सांगितलं की ती तिच्या वृद्ध आईला शेतीच्या कामात मदत करायला जात होती. मात्र, तिथे तिचा पती यायचा आणि घरच्यांसमोर तिला मारहाण करायचा.

ही पीडिता म्हणाली, मी फक्त माझ्या वृद्ध आईची काळजी घेत होते. पण माझा पती दारु पिऊन यायचा आणि मला मारहाण करायचा. त्याला संशय होता की माझे विवाहबाह्य संबंध आहेत. या महिलेने आरोप केला आहे की, होळी सणाच्या दोन-तीन दिवस आधीपासून तिच्या पतीने तसंच तिच्या मुलाने परिवारातल्या काही इतर सदस्यांच्या मदतीने तिला बांधून ठेवलं आहे.

तिने पोलिसांना हेही सांगितलं की, तिच्या पतीने तिला तीन महिन्यांपासून साखळ्यांनी बांधून ठेवलं होतं आणि तो तिचा प्रचंड शारिरीक आणि मानसिक छळ करत होता.

Categories: राष्ट्रीय
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *