ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

प्रेयसीच्या भावाला घाबरुन पळताना विहिरीत पडला, चार दिवसांनी मृतदेह सापडला

March 1, 202114:47 PM 140 0 0

गुजरातच्या राजकोट जिल्ह्यातील गुंदासुरा गावातून धक्कादायक घटना समोर आली आहे. गुरूवारी दुपारी गावातील एका शेतातील विहिरीत एका व्यक्तीचा मृतदेह आढळल्याने एकच खळबळ उडाली. माहिती मिळताच घटनास्थळी पोहोचलेल्या पोलिसांनी मृतदेह बाहेर काढला. पण, त्यानंतर जी माहिती समोर आली त्यामुळे सगळ्यांनाच धक्का बसला. मृत व्यक्ती चार दिवसांपूर्वी याच गावातील एका तरुणीला भेटण्यासाठी आला होता. त्याचवेळी तरुणीच्या भावाने बघितलं म्हणून तो पळाला आणि पळताना गडबडीत शेतातील एका विहिरीत पडला व त्याचा मृत्यू झाला.

टाइम्स ऑफ इंडियाच्या वृत्तानुसार, उज्जैन सिंह गौतम (वय-26) असं मृत व्यक्तीचं नाव असून तो एका कंपनीत काम करायचा. पत्नीसह दोन मुलांसोबत तो राहत होता. २० फेब्रुवारी रोजी त्याची पत्नी मुलांना घेऊन एका लग्नासाठी बाहेरगावी गेली. योग्य संधी असल्याचा विचार करुन गौतम त्याची आधीची प्रेयसी अंजू हिला भेटायला रात्री गुंदासुरा गावात गेला. पण आवाज झाल्यामुळे रात्रीतून तरुणीचा भाऊ उठला आणि त्याने घरातील लाइट लावली. पकडले जाण्याच्या भीतीने गौतमने लाइट सुरू होताच घरातून पळ काढला, त्याला पळताना बघून अंजूच्या भावानेही त्याच्या मागे धाव घेतली. पण रात्री शेतातून पळताना अंधारामुळे तो एका शेतीतील विहिरीत पडला.

दुसऱ्या दिवशी गौतमची पत्नी घरी परतल्यावर पती घरात नसल्याचं बघून तिने पोलिंसांशी संपर्क साधला. त्यानंतर गौतमचा शोध घेताना पोलिसांना त्याची बाइक गुंदासुरा गावाबाहेर पडलेली दिसली. तपास सुरू केल्यानंतर पोलिसांनी अंजूकडे चौकशी केली, त्यावेळी तिने गौतम भेटायला आला होता पण भाऊ उठल्यावर घाबरुन तो पळाला अशी कबुली दिली. गौतम ज्या दिशेने पळाला होता त्या दिशेने शोध घेतल्यावर पोलिसांना एका शेतातील विहिरीत त्याचा मृतदेह आढळला. शवविच्छेदनानंतर बुधवारी पोलिसांनी मृतदेह त्याच्या पत्नीकडे सुपूर्द केला.

Categories: राष्ट्रीय
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *