ताज्या बातम्या
   पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या साप्ताहिकासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

चिकनची भाजी बनवून देण्यास नकार दिला म्हणून ढाबाच दिला पेटवून

January 11, 202112:57 PM 39 0 0

रागाच्या भरात माणूस काय करेल याचा नेम नाही. त्यातही मद्यपान केलेलं असेल, तर मग अंदाज न लावलेलाच बरा. नागपूरमध्ये अशीच एक घटना घडली आहे. मद्यपान केलेल्या दोघांनी थेट ढाबाच पेटवून दिला. ढाबा मालकाने चिकनची भाजी बनवून देण्यास नकार दिला म्हणून दोघांना राग अनावर झाला.

शंकर तायडे (वय २९) आणि सागर पटेल (वय १९) असं ढाबा पेटवून देणाऱ्या आरोपींची नावं आहेत. दोघेही रविवारी मद्यपान केल्यानंतर बेलतरोडी भागात गेले होते. दोघेही एका ढाब्यावर गेले. त्यांनी मालकांकडे चिकनच्या भाजीची ऑर्डर दिली. मात्र, ढाबा मालकानं चिकनची भाजी बनवून देणं शक्य नसल्याचं सांगितलं.

त्यानंतर दोघांनी रागाच्या भरात ढाबाच पेटवून दिला. रविवारी ही घटना घडली. सुदैवानं या घटनेत कुणालाही इजा झाली नाही. घटनेची माहिती मिळाल्यानंतर पोलिसांनी दोन्ही आरोपींना अटक केली.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *