ताज्या बातम्या
   पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या साप्ताहिकासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

व्हॅलेंटाईन वीकमध्ये प्रेयसीच्या त्रासाला कंटाळून प्रियकरानं संपवलं जीवन

February 11, 202116:00 PM 47 0 0

औरंगाबाद : सध्या व्हॅलेंटाईन वीक सुरु आहे. सर्वत्र प्रेमाचा बहर आलेला पाहायला मिळत आहे. पण औरंगाबादेत मात्र प्रेमीयुगुलांसाठी एक धक्कादायक घटना घडली आहे. व्हॅलेंटाईन वीकमध्येच एका प्रियकरानं गळफास लावून घेत आत्महत्या केली आहे. महत्वाची बाब म्हणजे प्रेयसीच्या त्रासाला कंटाळून त्याने हे पाऊल उचलल्याचं बोललं जात आहे. औरंगाबाद जिल्ह्यातील पैठणमध्ये हा धक्कादायक प्रकार समोर आला आहे

राहत्या घरी गळफास घेत आत्महत्या
कृष्णा खुटेकर असं आत्महत्या करणाऱ्या प्रियकराचं नाव आहे. त्याने आपल्या राहत्या घरी केबल वायरच्या सहाय्याने गळफास लावून घेत आत्महत्या केली आहे. या प्रकरणात प्रेयसीला अटक करण्यात आली आहे. संबंधित मुलगी पोलीस ठाण्यात तक्रार देण्याची सातत्यानं धमकी देत होती. त्याचबरोबर मानसिक त्रास देत आर्थिक लुबाडणूक करत असल्याचाही आरोप आरोपी तरुणीवर करण्यात आला आहे.

प्रियकराच्या खिशात चिठ्ठी आढळली
संबंधित मुलगी आपल्याला मानसिक त्रास देत होती. पोलिस ठाण्यात तक्रार दाखल करण्याची धमकी देत होती. त्याचबरोबर आर्थिक लुबाडणूक करत असल्याची चिठ्ठी लिहून कृष्णा खुटेकर याने आत्महत्या केली आहे. पोलिस तपासात मृतदेहाच्या खिशात ही चिठ्ठी सापडली आहे. या चिठ्ठीत कृष्णा याने संबंधित मुलीचं नाव टाकून, “ती मला खूप त्रास देत आहे. मला काही काही धमक्या देत आहे. मी खून मानसिक तणावातून जात हे पाऊल उचलत आहे. तरी, माझी काही चूक नाही”, असं लिहिलं आहे.

या प्रकरणात मृत मुलाच्या आईने पोलीस ठाण्यात तक्रार दाखल केली आहे. संबंधित मुलगी मुलाकडे नेहमी पैशांची मागणी करायची. तसंच खूप त्रास देत होती, अशी तक्रार मृत कृष्णा खुटेवारच्या आईने केली आहे.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *