ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

गुंडाकडून पोलीस हवालदाराची हत्या

May 5, 202113:40 PM 53 0 0

 

पुण्यात गुंडाने पोलीस हवालदाराची हत्या केल्याची घटना समोर आली आहे. शहराचा मध्यभाग असलेल्या बुधवार पेठ परिसरातील फरासखाना पोलीस स्टेशनमधील हवालदाराचा गुंडाने चाकूने वार करून हत्या केली. हवालदाराची हत्या झाल्याने पोलीस विभागात खळबळ उडाली आहे. प्रविण श्रीनिवास महाजन (३४) असं आरोपी गुंडाचं नाव आहे. पोलिसांनी आरोपीला अटक केली आहे.

फरासखाना पोलिस स्टेशनचे उपनिरीक्षक श्रीकांत सावंत यांनी दिलेल्या माहितीनुसार, “मंगळवारी रात्री 12 वाजण्याच्या आम्हाला फोनवरून माहिती मिळाली होती. बुधवार केजळे चौकाजवळील ढमढेरे बोळात जाणार्‍या रोडवर हॉटेलसमोर एका व्यक्तीवर चाकूने वार झाले असल्याचं सांगण्यात आलं होतं. आम्ही काही मिनिटात घटनास्थळी पोहोचलो. यावेळी तिथे हवालदार समीर सय्यद रक्ताच्या थारोळ्यात पडल्याचे दिसले. चौकशी केली असताना पव्या महाजनने हल्ला केल्याचे सांगण्यात आले”.

 

“आम्ही रस्त्यावरून जाणारी एक रुग्णवाहिका थांबवून समीर सय्यद यांना रूग्णालयात दाखल केले. मात्र उपचार सुरू असताना त्यांचा मृत्यू झाल्याचे डॉक्टरांनी सांगितले. या प्रकरणी आरोपी प्रवीण महाजनविरोधात गुन्हा दाखल करण्यात आला आहे,” अशी माहिती श्रीकांत सावंत यांनी दिली. पोलिसांनी आरोपीला बेड्या ठोकल्या आहेत.

 

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *