ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

उत्कृष्ट दिवाळी अंक पुरस्कार २०२१  महाराष्ट्र बुक ऑफ रेकॉर्डस् दीपोत्सव २०२१ या दिवाळी अंकाला जाहीर

December 29, 202119:19 PM 59 0 0

स्पंदन चॅरिटेबल ट्रस्ट, डाकेवाडी, तालुका – पाटण, जिल्हा – सातारा यांच्या वतीने दिल्या जाणार्‍या उत्कृष्ट दिवाळी अंक पुरस्कार २०२१ या अत्यंत प्रतिष्ठेच्या पुरस्कारासाठी कवितासागर द्वारा मुद्रित आणि प्रकाशित ‘महाराष्ट्र बुक ऑफ रेकॉर्डस् दीपोत्सव २०२१’ या दिवाळी अंकाची सन्माननीय परीक्षकांनी २०२१ या वर्षाच्या पुरस्कारासाठी निवड केलेली आहे. दिवाळी अंक ही महाराष्ट्रातील एक सांस्कृतिक परंपरा असून ती अखंडपणे चालू राहावी, यातून दर्जेदार साहित्याची निर्मिती व्हावी तसेच दिवाळीच्या फराळाबरोबर वाचकांना सकस साहित्याची मेजवानी देणार्‍या दिवाळी अंकांचा, साहित्याचा गौरव व्हावा यासाठी स्पंदन दिवाळी अंक स्पर्धेचे आयोजन करण्यात येते.

महाराष्ट्र बुक ऑफ रेकॉर्डस् दीपोत्सव २०२१ या दिवाळी अंकाला उत्कृष्ट दिवाळी अंक पुरस्कार २०२१ जाहीर करण्यात आला असून यापुढेही अशाच प्रकारचे दर्जेदार दिवाळी अंक प्रकाशित करून साहित्यसेवा करावी अशी अपेक्षा ट्रस्टचे अध्यक्ष डॉ. संदीप डाकवे यांनी व्यक्त केली.
‘महाराष्ट्र बुक ऑफ रेकॉर्डस् दीपोत्सव २०२१’ हा ५३८ पृष्ठांचा आगळा-वेगळा विशेषांक असून ज्यामध्ये एकही जाहिरात नाही हे विशेष. उत्कृष्ट मांडणी आणि बांधणी असलेला तसेच उत्तम दर्जा असलेला हा दिवाळी अंक आहे. आतील छपाई खूप सुंदर आहे. संपादक डॉ. सुनील दादा पाटील यांचे छंद प्रेम आणि वाचन प्रेम यातून प्रकर्षाने जाणवते. इतरांप्रती ते सातत्याने करत असलेल्या कष्टाची जाणीवही यातून दिसते. वाचनप्रेमासाठी संपादक स्वत: राबवत असलेल्या विविध उपक्रमांची माहिती या निमित्ताने जगभरातील वाचकांच्यासमोर आली. त्यांच्या प्रत्येक उपक्रमाला एक वेगळी उंची आहे. आज डिजिटल आणि सोशल मीडियाच्या युगात कवितासागर च्या माध्यमातून होत असलेले प्रयत्न कौतुकास्पद आहे. या दिवाळी अंकातून अनेक छंदवेड्या व्यक्तींना प्रेरणा मिळाली असून या दिवाळी अंकाचे हे निर्भेळ यश आहे.
शनिवार दिनांक १५ जानेवारी २०२२ रोजी कराड, जिल्हा सातारा येथे होणार्‍या कार्यक्रमात सन्मानचिन्ह आणि गौरवपत्र देऊन ‘महाराष्ट्र बुक ऑफ रेकॉर्डस् दीपोत्सव २०२१’ चे मुद्रक, प्रकाशक आणि मुख्यसंपादक डॉ. सुनील दादा पाटील यांचा मान्यवरांच्या हस्ते विशेष सन्मान करण्यात येणार आहे.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *