ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

नर्सिंग महाविद्यालयात रॅगिंग, 3 मुलींवर गुन्हा दाखल

September 16, 202113:34 PM 24 0 0

नांदेड : : मुलीवर रॅगिंग केल्याप्रकरणी 3 मुलींवर गुन्हा दाखल करण्यात आला आहे. नांदेड जिल्ह्यातील हदगाव येथील ही घटना आहे. तसेच शिक्षकावर छेडछाडीचा गुन्हा दाखल करण्यात आला असून शिक्षकाच्या समर्थनार्थ विद्यार्थी पोलीस स्टेशनवर धडकले आहेत. त्यामुळे येथे तणावाचे वातावरण पसरले आहे. नर्सिंग कॉलेजमध्ये शिकणाऱ्या एका मुलीवर महाविद्यालयातील तीन मुलींनी रॅगिंग केल्याप्रकरणी गुन्हा दाखल करण्यात आला आहे. तर रॅगिंगची तक्रार करण्यासाठी गेल्यानंतर शिक्षकाने छेडछाड केल्याचा गुन्हा दाखल करण्यात आला आहे. यामुळे या प्रकरणाला वेगळे वळण लागले आहे.


हदगाव येथील एका नर्सिंग महाविद्यालयात हा धक्कादायक प्रकार समोर आला आहे. आठवडाभरापूर्वी येथे 19 वर्षीय मुलीने प्रवेश घेतला होता. ही मुलगी महाविद्यालयाच्या वसतिगृहात राहत होती. 12 सप्टेबर रोजी वसतिगृहातील तीन मुलींनी या मुलीवर रॅगिंग केले. रॅगिंग करताना तिला कपडे काढायला लावले. नाक घासायला लावले तसेच झाडू मारण्यास सांगितला.
दरम्यान, रॅगिंगबाबतचा हा प्रकार शिक्षकाला सांगायला गेली असता त्यांनी मुलीची छेड काडल्याचा आरोप मुलीने फिर्यादीत केला आहे. त्यावरून हदगाव पोलीस स्टेशनमध्ये रॅगिंग केल्याप्रकरणी तीन मुलींविरोधात तर छेडछाड केल्याप्रकरणी शिक्षकावर गुन्हा दाखल करण्यात आला आहे. गुन्हा दाखल झाल्यावर नर्सिंग महाविद्यालयाच्या सर्व विद्यार्थी आणि विद्यार्थीनीनी हदगाव पोलीस स्टेशनवर धाव घेतली.
महाविद्यालयामध्ये कुठल्याही प्रकारच्या रॅगिंगचा प्रकार घडला नसून शिक्षकावरही चुकीचा आरोप करण्यात आल्याची प्रतिक्रिया विद्यार्थ्यानी दिली. दरम्यान पीडित मुलीची प्रतिक्रिया मिळू शकली नाही.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *