ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

धक्कादायक : अल्पयीन बलात्कार पीडितेनं रुग्णालयाच्या शौचालयात दिला बाळाला जन्म; अर्भकाची विल्हेवाट लावल्यानं प्रकार उघडकीस

September 4, 202113:11 PM 17 0 0

एका अल्पवयीन मुलीने रुग्णालयातील शौचालयात प्रिमॅच्युअर बाळाला जन्म दिला आणि त्या अर्भकाला फ्लश केल्याची धक्कादायक घटना घडली आहे. केरळच्या कोचीमधील एका खासगी रुग्णालयात ही घटना बुधवारी उघडकीस आली. ही अल्पवयीन मुलगी तिच्या आईसह खासगी रुग्णालयात तपासणीसाठी गेली होती. तिथल्या शौचालयात तिने बाळाला जन्म दिला आणि अर्भकाला शौचालयात फ्लश करून बाहेर येऊन गेली. बाहेर आल्यानंतर तिने या प्रकरणाबद्दल कोणालाही सांगितले नाही, असे पोलीस अधिकाऱ्यांनी पीटीआयला सांगितले.


त्या मुलीनंतर शौचालयात गेलेल्या व्यक्तीला तिथे अर्भकाचे अवशेष दिसले आणि तिने पोलिसांना याबाबत माहिती दिली. पोलीस तपासात त्या अल्पवयीन मुलीनेच बाळाला जन्म देऊन त्याची विल्हेवाट लावण्याचा प्रयत्न केल्याचं उघड झालं. त्यानंतर पोलीस चौकशीत मुलीने या प्रकरणाची कबुली दिली आणि एका २० वर्षीय तरुणाने तिच्यावर बलात्कार करून गर्भवती केल्याचं तिने सांगितलं.
पोलिसांनी दिलेल्या माहितीनुसार, मुलीने ती गर्भवती असण्याबद्दल कोणालाही सांगितले नव्हते आणि ती सहा महिन्यांची गर्भवती होती. झालेल्या प्रकाराची माहिती मिळाल्यानंतर त्या मुलीच्या आईने तक्रार दिली. त्याआधारे वायनाडमधील एका व्यक्तीविरोधात पॉस्को कायद्याअंतर्गत गुन्हा दाखल करण्यात आला आहे.
दरम्यान, आरोपीला गुरुवारी अटक करून कोची येथे आणण्यात आले असून त्याला न्यायालयात हजर करण्यात येणार असल्याचं पोलिसांनी सांगितलं.

Categories: राष्ट्रीय
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *