ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

महान कवियत्री संत बहिणाबाई

October 4, 202113:44 PM 22 0 0

वारकरी संप्रदायांच्या संत कवियत्री बहिणाबाईंचा जन्म वैजापूर तालुक्यातील देवगाव येथे सौ. जानकीबाई व श्री आऊजी कुलकर्णी या दांपत्याच्या पोटी झाला. त्यांचा विवाह बालपणीच श्री. रत्नाकर पाठक नावाच्या बीजवराशी झाला होता. परमार्थ व भक्तीची ओढ लहानपणापासूनच असणाऱ्या संत बहिणाबाई कथा- कीर्तन, पुराण श्रवण आणि सत्पुरुषांची सेवा यात रममाण असायच्या. त्या संत तुकाराम महाराजांना गुरु मानत असत. त्यांची प्रत्यक्ष संत तुकाराम महाराजांची भेट झाली नाही.

एकदा संत तुकाराम महाराजांचा अभंग त्यांच्या वाचनात आला व त्यानंतर त्यांनी सात दिवस तुकाराम महाराजांचा ध्यास घेतला असता सातव्या दिवशी त्यांना तुकाराम महाराजांचा स्वप्न साक्षात्कार झाला व त्यातूनच बहिणाबाईंचा लौकिक लोकांपर्यंत पसरला. त्यांच्या अभंगातून त्यांचे गुरु संत तुकाराम महाराज व गुरुपरंपरेचे वर्णन आपल्याला दिसून येते. संत बहिणाबाईंनी अभंग, ओव्या, श्लोक, आरत्या असे मिळून 732 रचनांची निर्मीती केली आहे. विठ्ठलावर निस्सीम भक्ती असणाऱ्या संत बहिणाबाई नित्य विठ्ठलाच्या दर्शनाकरिता वारीला जात असत. संत बहिणाबाईंना संत रामदास स्वामींनी दिलेल्या हनुमानाच्या मूर्तीने यांच्या हातून तीर्थ पिल्याची आख्यायिकाही प्रसिद्ध आहे. आजही ही मूर्ती शिरूर येथील त्यांच्या निवासस्थानी आहे. जीवनातील सुख दुःखाकडे स्थिरतेने पाहत जगण्यातून कळलेले तत्वज्ञान त्यांच्या काव्याची वैशिष्ट्ये होय. त्यांच्या रचनेत सहजपणे दिलेली जीवनाची शिकवण दिसून येते त्या म्हणतात –
आला सास गेला सास, जिवा तुझं रे तंतर।
अरे जगणं-मरणं एका सासाचं अंतर।।
त्यांच्या काव्या मधून आपल्याला समाजव्यवस्था व संस्कृतीचे सुंदर दर्शन पाहायला मिळते.
घट फुटलियावरी । नभ नभाचे अंतरी ।।
हा त्यांचा शेवटचा अभंग 2 ऑक्टोबर 1700 साली त्या शिरूर येथे समाधिस्त झाल्या. अशा या महान संत कवियत्री संत बहीणाबाई यांना त्यांच्या जयंतीनिमित्त शतशः वंदन.

डॉ० पी. एस. महाजन
संभाजीनगर

Categories: लेख, साहित्य
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *