ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

खोपोलीतील सर्पमित्रांनी केली भल्या मोठ्या अजगराची संकटातून सुटका

July 6, 202213:06 PM 25 0 0

खोपोली ( कु. अदिती पवार) :  खोपोली शहरातल्या मुंबई पुणे जुन्या महामार्गा लगत जुन्या हायको कंपनीच्या शेजारी सुरू असलेल्या इमारतीच्या बांधकाम क्षेत्रात कामगारांना  दिनांक 4 जुलै रोजी अजगर जातीचा साप आढळून आला. त्यानी लागलीच अपघातग्रस्तांच्या मदतीसाठी सामाजिक संस्थेतील सर्पमित्र सुनील पुरी आणि योगेश औटी यांना त्याबद्दल माहिती दिली. सर्पमित्र त्या ठिकाणी पोहोचले आणि त्यांनी त्या सापाला सुरक्षित पकडले.  त्यावेळी त्यांच्या लक्षात आले की त्या सापाच्या अंगात त्याच्या जाडी पेक्षाही कमी आकाराची पीव्हीसी पाईपची रींग अडकली होती. कदाचित त्यामुळे त्याच्या हालचालीवर परिणाम झालेला दिसून येत होता. 
सुनील पुरी आणि योगेश औटी यांनी ती पाईपची रींग काढण्याचा निर्णय घेतला. तो अजगर आकाराने भला मोठा होता त्यात ती रिंग कमी आकाराची असल्याने ती अक्षरशः त्याच्या अंगात रूतून बसली होती. ती रिंग काढत असताना त्याला जखम होण्याची शक्यता होती मात्र त्या दोघांनी अत्यंत सावधपणे ती रिंग कापून काढली आणि अजगराला त्या पाशातून मुक्त केले. अशा अवस्थेत त्या अजगराला आपले भक्ष्य गिळणेही शक्य होत नसावे. तो या पाशात किती दिवस अडकून होता हे जरी माहीत नसले तरी दैवयोगाने तो या सर्व सर्प मित्रांच्या हाती लागला आणि त्याला त्यातून मुक्तता मिळाली. प्राणीमात्रांच्या अधिवासात मानवाने अतिक्रमण केल्यामुळे असे प्रकार घडत आहेत. त्यात अन्न पाणी शोधण्याच्या नादात जशा गाय वासरांच्या पोटात प्लॅस्टिक पिशव्या जात असतात त्याच प्रमाणे हा अजगर त्या पाईपाच्या रिंग मधे अडकला असावा. जागरूक सर्पमित्रांच्या प्रयत्नाने त्या अजगरावरचे संकट टळले.

 

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *