ताज्या बातम्या
   पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या साप्ताहिकासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

आश्रमशाळेतील दहावीची मुलगी गर्भवती; अचानक रक्तस्राव आणि उलट्या सुरू झाल्याने प्रकार आला उघडकीस

March 13, 202112:39 PM 42 0 0

आदिवासी विकास प्रकल्प जव्हार अंतर्गत येणाऱ्या साकुर येथील एका आश्रमशाळेतील इयत्ता दहावीत शिक्षण घेत असलेली मुलगी गरोदर असल्याचं समोर आल्यानंतर सगळ्यानाच धक्का बसला आहे. वैद्यकीय तपासणी केल्यानंतर विद्यार्थिनी दोन महिन्यांची गर्भवती असल्याचं निष्पन्न झालं. मुलीला अचानक रक्तस्राव आणि उलट्या सुरू झाल्यानंतर रुग्णालयात दाखल करण्यात आलं होतं.

जव्हार तालुक्यातील ८ किमी अंतरावर असलेल्या आश्रमशाळेतील एका मुलीला शाळेत असताना बुधवारी रक्तस्राव व उलट्या होऊ लागल्या. त्यामुळे तिला प्रथम प्राथमिक आरोग्य केंद्र साकुर येथे शाळेतील महिला अधिक्षिकांनी उपचारासाठी दाखल केलं. तिथे तिची गर्भ चाचणी करण्यात आली. तिथेच ती गर्भवती असल्याचे निष्पन्न झाले. पुढील उपचारासाठी तिला जव्हारच्या कुटीर रुग्णालयात दाखल करण्यात आले. तिच्यावर उपचार सुरू असताना तिला पुन्हा खूप रक्तस्राव सुरू झाले. त्यामुळे तिची प्रकृती खालावत होती म्हणून गुरुवारी तिला नाशिक येथील जिल्हा रुग्णालयात दाखल करण्यात असून, तेथे तिची पुन्हा वैद्यकीय चाचणी करण्यात आली. त्यात ती विद्यार्थिनी दोन महिन्यांची गर्भवती असल्याचे उघड झाले आहे. तिच्यावर पुढील उपचार सुरू आहेत. तिच्यासोबत शाळेतील महिला अधीक्षक व मुलीचे पालक आहेत.

साकुर येथील ही आश्रमशाळा पाहिले ते बारावीपर्यंत निवासी कन्या शाळा आहे. येथे नववी ते बारावीचे वर्ग सुरू असून, वसतिगृहात १५६ विद्यार्थी पट संख्या आहे. तर शाळेत ११५ विद्यार्थी उपस्थितीत असतात. ही मुलगी ७ फेब्रुवारी रोजी पासून शाळेत उपस्थित आहे. गावातील एका मुलासोबत तिचे प्रेमसंबंध होते. लॉकडाऊन काळात हा प्रकार घडल्याचं मुलीच्या पालकांनी कबूल केले असल्याची माहिती साकुर आश्रमशाळेचे प्रभारी मुख्याध्यापक डी. डी. भुसारा यांनी दिली आहे.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *