ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

वर्धात संपत्तीच्या वादातून काकाने जाळली जिनिंग फॅक्टरी, पुतण्यालाही जीवे मारण्याचा प्रयत्न

March 1, 202114:36 PM 42 0 0

वर्धा : संपत्तीच्या वादातून काकानेच पुतण्याची जिनिंग फॅक्टरी जाळल्याचा धक्कादायक प्रकार घडला आहे. सोबतच पुतण्यालाही जीवे मारण्याचा प्रयत्न काकाने केला आहे. वर्धा जिल्ह्यातील आर्वी येथे ही घटना घडलीय. या प्रकरणी आर्वी पोलिसात गुन्हा दाखल झाल्यानंतर आरोपी काका दीपक देशमुख याला पोलिसांनी अटक केली.या घटनेत जिनिंगमधील 45 ते 50 लाखांचा कापूस जळून खाक झाल्याचे सांगण्यात येत आहे. आग लागल्यानंतर आर्वी नगर पालिकेच्या अग्निशामक दलाच्या जवानांनी घटनास्थळ गाठत आग विझवली.

दाखल केलेल्या तक्रारीनुसार आर्वी येथील कौस्तुभ देशमुख यांच्या मालकीची एक जिनिंग आहे. ते त्यांच्या जिनिंमध्ये काम करत होते. यावेळी आरोपी दीपक देशमुख म्हणजेच कौस्तुभ देशमुख यांचे काका तलवार घेऊन आले. यावेळी त्यांनी कौस्तुभला धमकावलं. तसेच, त्यांनी पेट्रोल टाकून जिनिंगमध्ये आग लावली. आग वाढल्यामुळे कोस्तुभ आपला जीव वाचवत पोलीस ठाण्यात गेले. तिथे गेल्यांनतर त्यांनी त्यांच्यासोबत झालेल्या प्रसांगाची माहिती दिली.
काकाला अटक
कौस्तुभ देशमुख यांनी तक्रार केल्यानंतर पोलिसांनी कारवाईस सुरुवात केली. पोलिसांनी कौस्तुभचे काका म्हणजेच आरोपी दीपक देशमुख आणि त्यांच्या वाहन चालकाला ताब्यात घेतलं. पोलिसांकडून या घटनेचा तपास सुरु आहे. तक्रार दाखल केल्यानुसार दीपक देशमुख यांनी लावलेल्या आगीत तब्बल 40 ते 50 लाख रुपयांचं नुकसान झालं आहे.
पालघरमध्ये डम्पिंग ग्राऊंडला आग
दरम्यान, पालघर नगरपरिषदेच्या डम्पिंग ग्राऊंडला भीषण आग लागल्याची घटना घडली आहे. मोरेकुरण ग्रामपंचायत हद्दीत नगरपरिषदेचे डम्पिंग ग्राऊंड आहे. याच ठिकाणी ही आग लागली आहे. पहाटे साडे तीन वाजता ही आग लागली होती. आगीने रौद्ररुप धारण केले असून सर्वत्र धुराचे लोट पसरले आहेत.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *