ताज्या बातम्या
   महिलांनी महिलांसाठी सुरु केलेल्या वृत्तपत्रात काम करण्यासाठी महिलांना निमंत्रित करीत आहोत. संपर्क साधण्यासाठी सातारा - विद्या निकाळजे (कार्यकारी संपादक -8600080064), नांदेड-रुचिरा बेटकर (कार्यकारी संपादक-9970774211), मुंबई-संगिता ढेरे (विभागीय संपादक मुंबई व नवी मुंबई-8097112945), रायगड - दिक्षा थवाई (जिल्हा प्रतिनिधी-9763025014) यांना संपर्क साधू शकता. पाहिजेत : अवघ्या काहीच दिवसात लोकप्रिय झालेल्या साप्ताहिक अष्टभुजा हिरकणी या वृत्तपत्रात काम करण्यासाठी राज्यभरात जिल्हा, तालुका स्तरावर प्रतिनिधी नियुक्त करायचे आहेत. इच्छुकांनी आम्हाला [email protected] या मेलवर आपला बायोडेटा पाठवावा किंवा 9850516724 या नंबरवर कॉल किंवा व्हाट्स अँप करु शकता.

छत्रपती शिवाजी महाराज असा उल्लेख करण्याची आ. कैलास गोरंट्याल यांची मागणी नगरसेवकांच्या शिष्टमंडळाने घेतली एस.बी.आय. बँक व्यवस्थापकांची भेट

August 2, 202115:23 PM 25 0 0

जालना (प्रतिनिधी) ः एस. बी. आय. बँकेने शिवाजी चौक ऐवजी छत्रपती शिवाजी महाराज चौक असा उल्लेख करावा अशी मागणी आ. कैलास गोरंट्याल यांनी केली आहे. दरम्यान, काँग्रेस पक्षाच्या नगरसेवकांच्या एका शिष्टमंडळाने आज शनिवारी एस. बी. आय. बँकेच्या व्यवस्थापकांची भेट घेवून या संदर्भात त्यांना निवेदन दिले आहे.


छत्रपती शिवाजी महाराज हे केवळ महाराष्ट्राचे नव्हे तर संपुर्ण देशातील जनतेचे आराध्य दैवत असून जालना शहरातील छत्रपती शिवाजी महाराज पुतळा परिसरात असलेल्या एस. बी. आय. बँकेने बँकेचा पत्ता दर्शवितांना शिवाजी चौक असा एकेरी उल्लेख केला असल्याचे आ. गोरंटयाल यांच्या निदर्शनास आले. एकेरी करण्यात आलेला उल्लेख हा छत्रपती शिवाजी महाराजांचा अवमान असून त्यांच्यासारख्या महापुरूषांचा एकेरी शब्दात उल्लेख करून एस. बी. आय. बँकेने जनतेच्या भावनेला ठेच लावण्याचे काम केले आहे असा आरोप आ. कैलास गोरंट्याल यांनी केला आहे. आ. गोरंट्याल यांच्या सुचनेवरून कॉंग्रेस पक्षाचे नगरसेवक जगदिश भरतीया, हरिष देवावाले, अशोक भगत तसेच पदाधिकारी अरूण घडलिंग, छोटू चित्राल, आनंद लोखंडे, निलेश बेनिवाल, योगेश माधववाले, अजय जाधव आदींच्या शिष्टमंडळाने एस. बी. आय. बँकेच्या व्यवस्थापकांची भेट घेवून त्यांना या संदर्भात निवेदन दिले आहे. निवेदन स्विकारल्यानंतर बँक व्यवस्थापकांनी आपल्या भावना लवकरच एस. बी. आय. बँकेच्या वरिष्ठ अधिकाऱ्यांच्या निदर्शनास आणून देत बँकेच्या पत्यात शिवाजी चौक ऐवजी छत्रपती शिवाजी महाराज चौक असा उल्लेख केला जाईल असे आश्‍वासन शिष्टमंडळाला दिले.

Categories: महाराष्ट्र
share share TWEET PIN IT SHARE share share
Leave a reply

Leave a Reply

Your email address will not be published. Required fields are marked *