सखे,आपण दोघंही
सावित्रीला आईच मानतो
पण,फारचं वेगळी आहे
तुझी सावित्री अन् माझी सावित्री
तुझी सावित्री म्हणे
स्वर्गापर्यंत धावली पतीच्या प्राणासाठी
माझ्या सावित्रीनं धरतीवरचं
स्वर्ग उभा केला स्त्री शिक्षणासाठी
https://indianfast.com/
तुझी सावित्री पूजापाठ,आचार विचार
अन् सात जन्माची महती सांगणारी
माझी सावित्री स्त्री सन्मानासाठी दगड धोंडे
अन् शेणाचा मारा अंगावर झेलणारी
तुझी सावित्री धर्मग्रंथात
अन् भाकड कथांत रमणारी
माझी सावित्री अंधश्रद्धा,रूढी-परंपरांना
छेद देवून सनातन्यांशी लढणारी
सखे,तुझी सावित्री वाचली तर
वडाचं झाड अन् सत्यवानच कळणार
माझी सावित्री फक्त एकदाच वाच
तुला नक्कीच स्त्री मुक्तीचं द्वार दिसणार…!
संदीप देविदास पगारे,
खानगावथडी,नांदूर मधमेश्वर-नाशिक
भ्रमणध्वनी क्रमांक ७६२०५१२१६५)
Leave a Reply