हनुमान कोळीवाडा ग्रामस्थ 15 एप्रिल 2023 पासून बोटी नांगरून करणार जेएनपीटी प्रशासनाचा निषेध

उरण (तृप्ती भोईर ): प्रशासन शेवा कोळीवाडा गावातील जेएनपीटि प्रकल्प विस्थापित ८६ शेतकरी व १७० बिगर शेतकरी २५६ कुटुंबाचे शासनाच्या मापदंडानुसार पुनर्वसन करत नसल्याने, योग्य त्या सेवा सुविधा पुरवत नसल्याने आणि मानवी जिवन असह्य झाल्याने शेवा कोळीवाडा गावातील विस्थापितांनी शेवा कोळीवाडा गावात रहायला जाण्याचा निर्णय घेऊन दिनांक ०८जानेवारी २०२३पासून शेवा कोळीवाडा गावात राहत आहेत. आणि शेवा कोळीवाडा गावातील १७ हेक्टर जमिन साफसफाई करून दिनांक ०८.०८.१९८५ रोजीच्या मंजूर नकाशानुसार भूखंडाची आखणी करणार आहेत.

शासनाने JNPT कडून नागरी सुविधासाठी फंड घेतलेला आहे. त्या फंडातून शेवा कोळीवाडा गावात मानवी जिवितासाठी मूलभूत नागरी सुविधा पूर्ववत करण्याबाबत ग्राम सुधारणा मंडळ हनुमान कोळीवाडा यांनी शासनाला कळविले आहे. त्यावर शासनाने कोणतीच कार्यवाही केलेली नाही.
JNPT व्यवस्थापनाने मासेमारी जमिनीवर भराव करून NSICT, NSIGT, GTI, BMCTPL, BPCL, J M BAXI, Suraj Agro, Dipak Furtilizer, Ganesh Benzoplast, Shell India, Allina यांना भाडेतत्त्वावर दिलेल्या आहेत. आणि JNPT त्यातून करोडो रुपयांचा नफा कमावत आहे. या सर्व कंपन्या मच्छिमारांच्या हक्काच्या रोजीरोटीच्या जमिनीवर उभ्या असून त्यात होणार्‍या नोकर भरतीत, त्यांच्या बंदर वाढी विस्तारात सप्लाय, उप कंत्राटे देतांना शेवा कोळीवाडा (हनुमान कोळीवाडा) गावातील विस्थापितांना जाणीव पूर्वक डावलण्याचा प्रयत्न करत आहेत.शेवा कोळीवाडा गावात नागरि सुविधा पूर्ववत करत नसल्याच्या निषेधार्थ दिनांक १५ एप्रिल २०२३ पासून मोरा ते घारापुरी हक्काच्या मासेमारी परिसरात बायकापोरांसह मासेमारी बोटी नांगरून एकाच वेळी मासेमारी करून प्रशासनाचा निषेध करणार आहेत.

बातम्या पाहण्यासाठी हिरकणी ग्रुप जॉईन करा