राज्यात मराठा आरक्षणाचा मुद्द्यावर विविध ठिकाणी आंदोलने सुरु आहे. अनेक ठिकाणी राजकीय नेत्यांना प्रवेश बंदी करण्यता आली आहे. याचा फटका राज्याची उपमुख्यमंत्र अजित पवार यांनाही बसला आहे.
अजित पवार दोन दिवसांपासून सार्वजनिक कार्यक्रमांमध्येही दिसत नव्हते. त्यामुळे विविध चर्चांना उधाण आलं होतं. मात्र अजित पवार यांना डेंग्यूची लागण झाल्याची माहिती समोर येत आहे. राष्ट्रवादीचे खासदार प्रफुल्ल पटेल यांनी ट्वीट करत याबाबत माहिती दिली आहे.
अजित पवारांना डेंग्यूची लागण, पुढील काही दिवस आराम करण्याचा डॅाक्टरांनी सल्ला दिल्याची माहिती प्रफुल्ल पटेल यांनी ट्वीट करत दिली आहे. प्रकृतीत सुधारणा झाल्यावर अजित पवार पुन्हा कामाला सुरुवात करणार असल्याची माहितीही त्यांनी दिली.
