जालना – भाग्यनगर येथील एस.एन.कुलकर्णी यांनी दान दिलेल्या जागेत स्वा.सावरकर भवनाचे नाम फलकाचे उद्घाटन आम.कैलाश गोरंट्याल यांच्या शुभ हस्ते आज मंगळवार रोजी दुपारी चार वाजता करण्यात आले यावेळी कैलाश गोरंट्याल यांनी कुलकर्णी काकांनी आयुष्यात कमावलेली संपत्ती थोर अश्या स्वातंत्र्य विराच्या नावाने दान करीत आहे हि फार मोठी बाब आहे. त्यांनी दान केलेल्या कार्यास सावरकर सदनास निधी कमी पडू देणार अशी ग्वाही दिली. यावेळी प्रा.एस.व्ही.देशपांडे हे अध्यक्ष म्हणून होते.
यावेळी कल्याणराव देशपांडे,रमेश देहेडकर, डॉ.संजय रुईखेडकर, सिध्दीविनायक मुळे,रविंद्र देशपांडे यांनी आपले मनोगत व्यक्त करून संपूर्ण सहकार्य करण्याचे आश्वासन दिले. या कार्यक्रमास खेरुडकर,श्रीकांत शेलगावकर, अनिल शेलगवकर, दिलीप देशपांडे, उग्रसेन महामुनी, जी. ए.कुलकर्णी,आदी मोठ्या संख्येने उपस्थित होते. या कार्यक्रमाचे सूत्र संचालन कल्याणराव देशपांडे यांनी केले.
