महसूल विभागाच्या जिल्हास्तरीय क्रीडा स्पर्धा संपन्न

जालना येथील जिल्हा पोलीस मैदानावर महसूल विभागाच्या जिल्हास्तरीय क्रीडा स्पर्धा रविवार दि. 19 जानेवारी 2025 रोजी सकाळी 10 वाजता मोठ्या उत्साहात सुरु झाल्या. यावेळी जिल्हाधिकारी डॉ. श्रीकृष्ण पांचाळ, पोलीस अधिक्षक संजय कुमार बंसल यांची प्रमुख उपस्थिती होती.
जालना जिल्हा महसूल विभागाच्या जिल्हास्तरीय क्रीडा स्पर्धाचे आज जिल्हा पोलीस मैदानावर आयोजन करण्यात आले होते. जालना जिल्हा पोलीस अधीक्षक अजय कुमार बंसल यांच्या हस्ते या क्रिडा स्पर्धाचे उद्घाटन करण्यात आले. उद्घाटन कार्यक्रमाच्या अध्यक्षस्थानी जिल्हाधिकारी डॉ. श्रीकृष्ण पांचाळ यांची उपस्थिती होती. यावेळी अप्पर जिल्हाधिकारी रीता मैत्रवार, निवासी उपजिल्हाधिकारी गणेश महाडिक, उप जिल्हा निवडणूक अधिकारी शशिकांत हदगल, उपजिल्हाधिकारी नम्रता चाटे, उपजिल्हाधिकारी सविता सुत्रावे यांच्यासह सर्व उपजिल्हाधिकारी, सर्व उपविभागीय अधिकारी व तहसीलदार तसेच कर्मचारी उपस्थित होते. आज पार पडलेल्या क्रीडा स्पर्धेत महसूल विभागातील अधिकारी कर्मचार्‍यांनी विविध क्रीडा प्रकारांमध्ये आपला सहभाग नोंदवला. या क्रीडा स्पर्धांमधून उत्कृष्ट खेळाडूंची निवड करून सदर उत्कृष्ट खेळाडू हे आगामी फेब्रुवारीमध्ये होणार्‍या विभागीय क्रीडा स्पर्धेत आपला सहभाग घेणार आहेत. विशेष म्हणजे विभागीय क्रीडा स्पर्धा देखील जालना येथेच होणार आहेत.

बातम्या पाहण्यासाठी हिरकणी ग्रुप जॉईन करा