सुन्या सुन्या मनामध्ये सूर हलके, नव्याजुन्या आठवणी भास परके | आय थिंक हे गाणं सगळ्यांनी ऐकलं असेलच.अर्थात प्रत्येक मुलीच्या आणि तिच्या घरच्यांच्या जवळचं गाणं आहे.आपल्याकडे लग्नात आणि सोशल मीडियावर हे गाणं प्रचंड ट्रेंडींग आहे ,नाही का?असो..
मनातले सुर, नको तिथे तोंडाला कुलूप लावल्यामुळे श्वास कोंडून मरून जातात नाही का?.. खरेच एवढी दयनीय स्थिती आहे का? हो आहे, चार बुकं शिकलेल्या उच्च शिक्षित वर्गातील स्त्रियांची..न त्या कोणाशी भडाभडा भांडू शकतात न कोणाशी सरळ सहज बोलू शकतात किंवा तेवढं कंफर्ट वाटत नसेल .कदाचित तेवढं विश्वासू आपलं कोणी वाटत नसेल. आय डोन्ट नो पण काहीतरी चुकत आहे अस वाटतयं. ऑफिस किंवा बाहेर कुठेही नोकरी करणाऱ्यांची तीचं तऱ्हा.. कोणत्याही मुलीशी बोला सेम टॉपिक सेम ड्रामा मग अस वाटतं की यार ” घरोघरी मातीच्या चुली”..
अगदी एवढ्या डेडिकेशन ठेवून काम करण्याऱ्या,रोज स्वप्नांचा पाठलाग करणाऱ्या,त्यांना जी जबाबदारी दिली आहे ती चोख पार पडणाऱ्या,रोज तारेवरची कसरत करून घर आणि जॉब सांभाळणाऱ्या स्त्रिया. का शांत राहतात?ऑफिस मध्ये येवून ढसाढसा का रडतात? एवढं सगळ करून त्यांनाच टोमणे का? तुम्ही काही करत नाही तर त्यांना तरी जे करायचं आहे ते करुद्या ना.
सुशिक्षित मुली घरी बसल्या की ” काय उपयोग आहे शिकून, जॉब केला तर तेवढाच संसाराला हातभार ” आणि जॉब करून पैसे कमवायला लागली की ” ही खूप पैशाच्या मागे पळते. ” नोकरी करून घरातील कामे केली तरी प्रॉब्लेम आणि एखादी मदतनीस घेतली तरी प्रॉब्लेम.आणि या सगळ्यात स्वतःला ढकलणारी ती स्वतः आणि तिच्या जवळचे असतात..
अस वाटत नाही का? तुमच्यापासून किंवा घरातील प्रत्येक सदस्या पासून जॉब करणारी ,किंवा कोणत्याही क्षेत्रात काम करणारी इंडिपेंडंट स्त्री दूर निघून चालली आहे.. इग्नोर करते ती तुम्हाला … ती घरी येते तीचं जे कर्तव्य आहे ते पूर्ण करते आणि झोपी जाते.पुन्हा तेच काम आणि तीच दिनचर्या … या सगळ्यात ती फीलिंगलेस झाली आहे असे वाटत नाही का?का तिच्या आजूबाजूच्या लोकांनी तिला अस बनण्यास भाग पाडलं आहे?तुम्हाला पण तिच्या अश्या वागण्याची सवय झाली आहे का ?का तुम्ही तिला फक्त गृहीत धरून चालता? किती प्रश्न हे? तिच्यात आपलेपणाचा,प्रेमाचा गंध राहिलाच नाही.. सगळ्यांच्या बाबतीत नसेल हे पण खूप जणींच्या आयुष्यात हेच चालू आहे…
आयुष्यात खूप लोक असण्यापेक्षा “आपली माणसे” असणे खूप महत्वाच आहे.. द्याटस् कॉल्ड् अवर पीपल.एक स्त्री सगळच नाही करू शकत सो तिने पण हे ॲक्सेप्ट केलं पाहिजे की, सगळं करता करता आपली माणसे जी तिच्या सुख- दुःखात, यश-अपयशात,आजारपणात कायम बरोबर असतात ती जपा .जे तिचे नाहीच आहेत.तिच्या सोबत कधीच नसतात त्यांना टाटा बाय बाय केलं तरी चालेल… हेच तुमच्या सुखी जीवनाच गूढ आहे.. त्यामुळे काम करा आणि खुश रहा.
लेखिका – लीना निकाळजे
