चालकाला डुलकी लागल्यामुळं कंटेनरला धडक; तिघांचा मृत्यू

समृद्धी महामार्गावर नेहमीच अपघात होत आहेत. समृद्धी महामार्गावरील अपघाताची मालिका काही थांबत नसल्याचं चित्र आहे. महामार्ग सुरू झाल्यापासून आतापर्यंत अनेक अपघात झाले आहे. सर्वाधिक अपघात हे मध्यरात्री झाल्याचं समोर येत आहे. आता पुन्हा एक भीषण अपघात समृद्धी महामार्गावर झाला आहे.
समृद्धी महामार्ग प्रवाशांसाठी काळ ठरतोय. नेहमीच होणाऱ्या भीषण अपघातांमुळे अनेक कुटुंब उद्ध्वस्त होत आहेत. समृद्धी महामार्गावर आज पहाटे अपघात झालाय. यात तीन जणांचा मृत्यू झाला आहे. चालकाला झोप लागल्याने बाजूच्या कंटेनरला धडक लागली. त्यामुळे हा अपघात झाला आहे. अमरावती जिल्ह्यातील तळेगाव दशासर पोलीस स्टेशन हद्दीमध्ये ही घटना घडली आहे.
ही ट्र्रॅव्हल अहमदनगरहून रायपूरकडे जात होती. तेव्हा खासगी टेम्पो ट्रॅव्हलची बाजूच्या कंटेनरला धडक लागली आणि अपघात झाला. सकाळी ५ वाजता दरम्यान हा अपघात झाला आहे. ट्रॅव्हल्स चालकाला झोप लागल्यानं बाजूच्या कंटेनरला धडक लागल्याने अपघात झाला आहे.
अमरावती जिल्ह्यातील वाढोना शिवणी दरम्यान चॅनल १२८ वर हा अपघात आहे. यात तिघांचा मृत्यू झाल्याची माहिती मिळत आहे. अपघात होताच चालक घटनास्थळावरून पसार झाला आहे. या संदर्भात अधिक तपास सद्या तळेगाव दशासर पोलीस करत आहेत.
या अपघातात तिघांचा मृत्यू झालाय. जखमींना जवळच्या रुग्णालयात उपचारासाठी दाखल करण्यात आलंय. अपघात झाल्यानंतर ट्रॅव्हल चालक घटनास्थळावरून पसार झालाय. या संदर्भात अधिक तपास तळेगाव दशासर पोलीस करत आहेत.
समृद्धी महामार्ग अपघातांमुळे नेहमी चर्चेत असतो. समृद्धी महामार्गावर सुरक्षितपणे वाहने चालवणे आवश्यक आहे. वाहनचालकांनी मोठ्या प्रमाणात काळजी घ्यायला हवी. या महामार्गावर आतापर्यंत जवळपास 1 हजारपेक्षा जास्त अपघात झाले आहेत. तर यामधील गंभीर अपघातामध्ये आतापर्यंत 368 जणांचा मृत्यू झालाय.

बातम्या पाहण्यासाठी हिरकणी ग्रुप जॉईन करा