शाश्वत विकासाची संकल्पना घेऊन कालिका स्टील कंपनीने क्रियट उपक्रमांतर्गत राज्यभरातील इंजीनियरिंग आणि आर्किटेक्चर करणार्‍या विद्यार्थ्यांना एकत्र करत एक महत्त्वपूर्ण स्पर्धा रविवार दि. 15 सप्टेंबर 2024 रोजी सकाळी 11 ते दुपारी 2 या वेळेत आयोजित केली होती. या स्पर्धेत राज्यभरातील 48 संघाद्वारे तब्बल एक हजार विद्यार्थ्यांनी सहभाग नोंदवत आपल्या नावीन्यपूर्ण कल्पना वेगवेगळ्या प्रकल्पाच्या माध्यमातून मांडल्याचं पहायला मिळालं. त्यापैकी तीन संघांना प्रथम, द्वितीय आणि तृतीय अशी तीन पारितोषिके देण्यात आलीत.
यामध्ये प्रथम पारितोषीक बीएनसीए कॉलेज पुणे येथील विद्यार्थी शगुन शाह, सुदिक्षा अनंथरमन, रेहान देशमुख, मौसमी ताटीया यांच्या संघाने मिळविले, द्वितीय पारितोषीक एस पी एस एम बी एच एस कॉलेज ऑफ आर्कीटेक्चर कोल्हापुर चे विद्यार्थी रंजना तुरे, शांभवी जोशी, शर्वत हवल, आयुष मिराजकर यांच्या संघाने मिळविले तर तिसरे पारितोषीक एम पी व्ही एस कॉजेल ऑफ आर्कीटेक्चर नाशिक चे विद्यार्थी श्रावणी रपुत, परी बिरार, आर्या ढाकणे, मानस गायकवाड यांच्या संघाने मिळवीले.
शाश्वत विकासाच्या 17 मूल्यांना अनुसरून कालिका स्टील कंपनीने क्रिएट उपक्रमांतर्गत एक महत्त्वपूर्ण स्पर्धा आयोजित केली होती राज्यभरातील तब्बल 48 इंजिनियरिंग आणि आर्किटेक्ट कॉलेजमधील 300 संघाने या स्पर्धेत सहभाग नोंदवला होता त्यापैकी 48 संघ हे अंतिम फेरीस पात्र ठरल्यानंतर आज जालना शहरातील एका हॉटेलमध्ये या प्रकल्पांचे प्रदर्शन भरवण्यात आले. प्रदर्शनानंतर 48 संघापैकी तीन संघांना प्रथम द्वितीय आणि तृतीय पारितोषिक देऊन त्यांचा गौरव करण्यात आला. वेगवेगळ्या 17 मूल्यांना घेऊन विद्यार्थ्यांनी स्टील पासून आकर्षक प्रकल्प तयार करून या प्रदर्शनात मांडल्याचे पाहायला मिळालं. यामध्ये न्याय आणि शांतता, पाण्याखालचं जीवन, जमिनीवरील जीवण, आरोग्य, दारिद्र्य निर्मूलन, लैंगिक समानता, स्वच्छ पाणी, उद्योग संशोधन आणि मूलभूत सुविधा अशा वेगवेगळ्या मूल्यावर आधारित हे 48 प्रयोग त्या प्रदर्शनात ठेवण्यात आले होते. या प्रदर्शनाला कालिका स्टील समूहाचे संचालक घनश्याम गोयल, अरुण गोयल, गोपाल गोयल, गोविंद गोयल आदींनी भेट देत उपस्थित मान्यवरांच्या हस्ते विजेत्या विद्यार्थ्यांना बक्षीसांच वितरण करण्यात आलं.
