जालना तालुक्यातील राममुर्ती शिवारात जालना ते मंठा रोडवर गो शाळेजवळ उभा असलेल्या एका दुचाकीला पाठीमागून भरधाव वेगात येणार्‍या दुचाकीने जोराची धडक दिल्याने एक जण गंभीर जखमी झाला. ही घटना दि. 25 सप्टेंब 2024 रोजी रात्री 7.30 वाजता घडली असल्याची माहिती गुरुवार दि.26 सप्टेंब 2024 रोजी रात्री 8 वाजता पोलीस सुत्रांनी दिली.
जालना ते मंठा रोडवर सिध्दार्थ मगर यांनी दुचाकी बाजूला लावून लघुशंकेसाठी गेले होते. त्यानंतर ते गाडी क्र. एम. एच. 21 एके 5182 या गाडीवर येऊन बसले असता पाठीमागून आलेल्या अस्पष्ट क्रमांकाच्या प्लॅटीना दुचाकी चालकाने जोराची धडक दिली. या धडकेत सिध्दार्थ मगर हे गंभीर जखमी झाले असता स्थानक नागरीकांच्या मदतीने त्यांना जिल्हा सामान्य रुग्णालयात पाठविण्यात आले. या अपघातात सिध्दार्थ मगर हे बेशुध्द झाले होते, त्यांना मध्यरात्री 1 वाजेच्या सुमारास शुध्द आली. त्यांच्यावर सध्या जिल्हा सामान्य रुग्णालयात उपचार सुरु आहेत.
