जालना जिल्ह्यातील गोंदी पोलीस ठाण्याच्या हद्दीत एका दुचाकीचा शोध घेता-घेता गोंदी पोलीसांना आरोपीच्या टोळीचाच शोध लागला. तेवढ्यावरच ते थांबले नाहीत तर चक्क गांजाची शेती देखील त्यांनी शोधून काढली आणि 10 लाख 64 हजार 800 रुपये किंमतीचा मुद्देमाल देखील जप्त केलाय. या संदर्भातील माहिती सोमवार दि. 19 मे 2025 रोजी सायंकाळी 7.30 वाजता दिलीय.
गोंदी पोलीस ठाण्याचे सहायक पोलीस निरीक्षक आशिष खांडेकर हे पोलीस कॉन्स्टेबल शाकेरोद्दीन सिध्दीकी यांच्यासह पेट्रोलींग करीत असताना त्यांना एक विना नंबरची मोटार सायकल मिळून आली. त्या अनुषंगाने त्यांनी अशोक गाडेकर यांच्याकडे मोटार सायकच्या कागदपत्राची विचारणा केली.
मात्र त्यांच्याकडे कागदपत्र नव्हते. सदरील माटारसायकल ही गोंदी तांडा येथील प्रभाकर गंगाराम पवार या सराईत गुन्हेगाराकडून विकत घेतल्याची माहिती पोलीसा दिली. त्यामुळे पोलीसांनी प्रभाकर गंगाराम पवार याला ताब्यात घेवून मोटार सायकल च्या चौकशीसाठी पोलीस उप निरीक्षक किरण हावले, पोलीस हेडकॉन्स्टेबल अशोक नागरगोजे, पोलीस नाईक चरणसिंग बमनावत, पोलीस कॉन्स्टेबल सिध्दीकी हे गोंदी तांडा येथे गेले. परंतु, प्रभाकर गंगाराम पवार, सुरेखा विलास शिंदे, सपना पवन शिंदे, लक्ष्मी महादेव पवार, कैलास राठोड, जया ऊर्फ रूपाली पवार आणि इतर एक अनोळखी व्यक्तीने जमाव जमाव जमवून पोलीसावर दगडफेक केली. दरम्यान प्रभाकर पवार याने पोलीस कॉन्स्टेबल सिध्दीकी यांना ठार मारण्याच्या उद्देशाने त्यांच्या डोक्यात दगड मारला. मात्र त्यांनी तो दगड हातावर ताडला. या दगडफेकीत पोलीस कॉन्स्टेबल सिध्दीकी व पोलीस हेड कॉन्स्टेबल अशोक नागरगोजे हे जखमी झाले. शिवाय ज्या वाहनातून पोलीस तपासासाठी गेले होते ते वाहन देखील फोडून टाकले.
या प्रकरणी अटक करण्यात आलेल्या आरोपीची चौकशी केली असता ते गांजा लागवडीचा व विक्रीचा व्यवसाय करीत असल्याची माहिती पोलीसांना मिळाली. त्यांच्या जवळील गांजा सापडू नये म्हणुन त्यांनी पोलीसांवर हल्ला केल्याची माहिती चौकशीतून समोर आली. त्यामुळे सहायक पोलीस निरीक्षक आशिष खांडेकर यांनी आरोपीच्या घरी छापा मारला असता त्या ठिकाणी गांज्याची झाडे मिळून आली. त्यात पोलीसांनी गंगाराम सावळा पवार यास अटक केली असून एकूण 3 लाख 64 हजार 800 रूपये किंमतीचा 14 किलो गांजा जप्त केला. गंगाराम सावळा पवार, वकिल्या ऊर्फ विलास बाबूराव शिंदे, प्रभाकर गंगाराम पवार, सुरेखा विलास शिंदे, सपना पवन शिंदे, लक्ष्मी महादेव पवार, कैलास राठोड, जया ऊर्फ रूपाली प्रभाकर पवार व त्यांचे इतर नातेवाईक हे मिळून गांजा पिकवून त्याची जिल्हयात व परजिल्हयात विक्री करीत असल्याची माहीती मिळाली. आरोपीतांची पोलीस कस्टडी घेवून सहायक पोलीस निरीक्षक आशिष खांडेकर यांनी गुन्हाच्या अधिक तपास केला असता आरोपी गंगाराम पवार एका स्कॉर्पिओ वाहनाचा व दोन दुचाकी वाहनाचा वापर गांजा विक्री करण्यासाठी करीत होता.त्यामुळे पोलीसांनी 7 लाख रुपये किंमतीच्या वाहनासह एकुण 10 लाख 64 हजार 800 रुपयाचा मुद्देमाल जप्त केला. यातील आरोपीवर राज्यात व परराज्यात वेगवेगळ्या पोलीस ठाण्यात चोरी, पाकीटमारी, घरफोडी व दरोड्याचे गुन्हे आहेत. यातील फरार आरोपीचा शोध घेण्यासाठी व तपास करण्यासाठी 3 पथके शोध सक्रीय आहेत.
ही कारवाई पोलीस अधिक्षक अजय कुमार बंसल, अपर पोलीस अधिक्षक आयूष नोपाणी, उपविभागीय पोलीस अधिकारी विशाल खांबे यांच्या मार्गदर्शनाखाली सहायक पोलीस निरीक्षक आशिष खांडेकर, पोलीस उपनिरीक्षक किरण हावले, पोलीस उप निरीक्षक बालाजी पदमणे, शानेश्वर कंटूले, पोलीस हेड कॉन्स्टेबल अशोक नागरगोजे, संतोष डोईफोडे, चरणसिंग बमनावत, प्रदिप हवाले, दिपक भोजणे, शाकिरोद्दीन सिध्दीकी, बाळासाहेब मंडलिक, सुरेश राठोड, अंकूश पठाडे, नवनाथ राउत, सचिन साळवे, गणेश मुंढे, महीला पोलीस कॉन्स्टेबल मुसळे यांनी केलीय.
