झाडांना पाणी देताना मनात आलं की स्त्रीयांचं आयुष्य ही असेच आहे या झाडांप्रमाणे … जो पर्यंत काळजी घेतो तोपर्यंत टवटवित मग आहेच कोमेजलेल्या फुलासारखे,नाही का? मग परत वाटले जर झाडांना पण ठरवता आलं असते की आपण कोठे मोठे व्हायचं म्हणजे बघा, झाड नदी काठी किंवा पाण्याच्या जवळ असेल तर त्याची खूप काळजी घेण्याची गरज भासत नाही आणि बाकी कुठे वाढलं की कायम त्याला दुसऱ्यांवर अवलंबून रहावे लागते, हे सर्व विचार करण्यासारखं आहे ना..? तसेच स्त्रीचे ही .विशेष म्हणजे लग्न झालेल्या मुलींचं ,” लग्न झालं की सर्व काही बदलून जाते . लहानपणी छोट्या छोट्या गोष्टींसाठी हट्ट करणारी मुलगी एवढी शहाणी कशी बनते ? याच गूढ कळतच नाही आणि मग स्वतःशीच बोलतात आपण कसे होतो आणि कसे झालोत, एवढं समजूतदारपणा मुली आणतात कुठून.. अमेझिंग आहे हे..घर डोक्यावर घेऊन राज्य करणाऱ्या मुली सासरी जावून मूग गिळून का बसतात ?
मुली एवढं शिक्षण घेतात आणि प्रत्येक गोष्टीत हुशार असतात. घरचे तुम्हाला एवढं सक्षम बनवतात आणि तुम्ही चार भिंतीत राहवून हरवून जातात.हे सगळे कशासाठी ? आणि कोणासाठी ? लोकांना दाखवण्यासाठी का ,मी किती चांगली बायको आहे? मी उत्तम सून आहे.. अगदी मनाचा भ्रम तो. आपण त्या चक्रव्यूहात अडकून जातो आणि रोज मन मारून जगायला लागतो. स्वतःचा आत्मसन्मान,विश्वास सगळे काही हरवून बसतो. का ठेवता स्वतःला डांबून?का जाता नैराश्यात ? का बोलत नाही स्वतःसाठी ? का सहन करता ? खूप मुली एवढे शिकून बंद खोलीत मन मारून का जगतात?.
तुम्ही लहानपणापासून एवढी सप्न बघता आणि मोठं झाले की माघार का घेता?का घाबरता? स्वतःसाठी बोला, काम करा,व्यवसाय करा,नोकरी करा,पैसे कमवा आणि स्वावलंबी व्हा.स्वतःचे रक्षण करा.. स्वावलंबन म्हणजे फक्त नोकरी करून पैसे कमवणे एवढेच नाही हा. आपण आपला कंफर्ट झोन सोडून प्रत्येक क्षेत्रात नवीन काहीतरी शिकणे,आत्मसात करणे हाच आहे ,आपण सगळ्यांना शिकवतो अगदी आपल्या आयुष्यातील एक व्यक्ती सोडत नाही मग ते काहीही असेल जिथे जाईल तिथे ज्ञान देतो मग स्वतःच मागे का पडतो?.. अगदी पुरातन काळापासून म्हणतात ,” प्रत्येक यशस्वी पुरुषामागे स्त्रीचा हात असतो” मग हेच स्वतःसाठीही करण्याची वेळ आली आहे. स्वतःमध्ये बदल केले की बघा मॅजिक. आपण पापा की परी पासून मॅजीकल वूमन कधी झालो हे आपल्यालाच कळत नाही.इट फिल्स लाईक वाव.स्वतःचे निर्णय स्वतः घ्या. स्वतःचे व्यवहार,स्वतःची कर्तव्य आणि जबाबदारी स्वतः पार पाडा.आपल्या सर्वांना माहीतच आहे ना स्त्री काहीही करू शकते मग एवढे सर्व त्याग का? सगळ्यात मह्त्वाचं म्हणजे नाही म्हणायला शिका. मला फक्त एवढच सांगायचं आहे तुम्ही स्वतःवर विश्वास ठेवा आणि छान जगा कोणावर ही तुम्हाला अवलंबून राहण्याची गरज भासणार नाही आणि तुमचं आयुष्य खूप सुंदर होईल अगदी तुम्हाला हवं तसं.
लीना निकाळजे
